بحث عن:

24‏/06‏/2008

مشهور ولكن !!!

بسم الله الرحمن الرحيم .
السلام عليكم ورحمة الله وبركاته .

سلسلة ( مشهور ولكن ! )

كمستخدم للإنترنت ، يصلك يومياً العديد من الرسائل التي تحثك على الالتزام بتعاليم الدين ، او تعرفك بثواب بعض الأعمال الصالحة أو في المقابل تحذرك من عقوبة المعاصي وارتكابها عبر أحاديث وأدلة من حديث المصطفى صلى الله عليه وسلم ، أو أدعية وابتهالات لجلب منفعة أو لدفع مضرة ، وفي أحوال أخرى تكون قصص مؤثرة من أجل أن تستخلص منها العبر والعظات ، أو حتى قصص وأخبار لزيادة معلوماتك الدينية أو التاريخية عن سيرة النبي صلى الله عليه وسلم وصحابته الكرام ، وأخيراً ظهرت رسائل تدلك على بعض أوجهة الإعجاز في القرآن الكريم والسنة النبوية المطهرة ... ولكن !

هل سمعت حديث رسول الله صلى الله عليه وسلم :"إنّ كذبا علي ليس ككذب على أحد من العالمين، من كذب علي متعمدا فليتبوأ مقعده من النار" رواه البخاري ومسلم.

هل يمكنك أن تصدق أنك بنشرك لحديث للرسول صلى الله عليه وسلم دون أن تتأكد من مصدره تقود قدماك نحو مقعد لك من النار ؟

هل تتخيل أنك بنشرك أو بدعائك لأحد هذه الأدعية المنتشرة تكون قد ارتكبت مخالفة شركية أو ابتدعت في الدين رغم انك كنت تدعو بهذ الدعاء من أجل ان يرفع الله عنك مضرة أو يجلب لك نفعاً ؟

هل تتخيل أنك بنشرك لقصة من السيرة تكون قد شوهت سيرة المصطفى عليه الصلاة والسلام وصحابته الكرام رغم أنك تنشر هذه القصة بدعوى نشر سيرة النبي صلى الله عليه وسلم ؟

أو هل تتخيل أن رسالتك التي أرسلتها لجميع اصدقائك لكي يستدلوا على عظمة هذا الدين بعد اكتشاف العلم لمعجزة حديثة في كتاب الله أو في سنة المصطفى ما هي في النهاية إلا رسالة تسهم في تشويه صورة هذا الدين عند الأشخاص الذي يُفترض أن توجه إليهم هذه الدعوة ؟

نعم كل هذا صحيح ، وممكن ، ما دمت لم تتحرى في مصادر معلوماتك وجعلتها قصراً على رسالة بريد الكتروني دونما أي مصدر يثبتها أو يوضح حقيقتها ... لذا :

قبل نشر أي حديث يفضل التأكد من صحته وضعفه من موقع الدرر السنية هنا :

وقبل اعلان اي معجزة قرآنية أو خلافه ، يرجى التأكد من مصداقيتها من موقع نوران المتخصص بالإعجاز العلمي في القرآن الكريم والسنة النبوية المطهرة :

وهذه قائمة لأشهر المواضيع المتداولة والتي هي في الواقع مكذوبة أو مضللة :http://www.islam2all.com/dont/dont2.htm

بداية ، سنبدأ مع حديث مشهور ومتداول كثيراً ... ولكن !

الحديث :

من ترك الصلاة الله خمس عشرة عقوبة 6 أثناء حياته و3 حين الموت و3 في القبر و3 يوم القيامة :

فأما العقوبات في الدنيا :

  • يمحق الله البركة في عمره
  • لا يستجيب الله لدعائه
  • تذهب من وجهه علامات الصلاح
  • تمقته جميع المخلوقات على الأرض
  • لا يثيبه الله على عمله الصالح
  • لن يشمله الله في دعاء المؤمنين
وأما العقوبات أثناء الموت :
  • يموت ذليلاً
  • يموت جوعاناً
  • يموت عطشاناً ولو شرب جميع ماء البحر

وأما العقوبات في القبر :

  • يضيق الله قبره حتى تختلف أضلاعه
  • يوقد الله عليه ناراً ذات جمر
  • يرسل الله إليه ثعباناً يقال له الشجاع الأقرع يضربه من الفجر للظهر لتركه صلاة الفجر ومن الظهر للعصر لتركه صلاة الظهر وهكذا ... وفي كل ضربة يدخله في عمق الأرض 70 ذراعاً .
وأما العقوبات يوم القيامة :
  • يرسل الله إليه من يسحبه على وجهه
  • ينظر الله إليه نظرة غضب يسقط معها لحم وجهه
  • يحاسبه الله بصرامة ويقذف به في النار .
التوضيح :
من المعروف بداية أن الصلاة هي عماد الدين ، وهي أول ما يحاسب عليه العبد يوم القيامة ، وهي الفارق بين الإسلام والكفر بدليل صحيح حديث المصطفى صلى الله عليه وسلم :" العهد الذي بيننا وبينهم الصلاة فمن تركها فقد كفر " .الراوي: بريدة - خلاصة الدرجة: صحيح - المحدث: الألباني - المصدر: صحيح ابن ماجه - الصفحة أو الرقم: 891

والأحاديث الورادة في وجوب الصلاة والتحذير من تركها أكثر من أن تحصى ، ولكن !!!

الحديث السابق الذي انتشر بصورة كبيرة بين الناس وعلق حتى في المساجد والتجمعات وخلافه دونما بحث أو استقصاء هو حديث مكذوب على النبي المصطفى صلى الله عليه وسلم .

قال عنه سماحة الشيخ ابن باز - رحمه الله - في مجلة " البحوث الإسلامية " ( 22 / 329 ) : أما الحديث الذي نسبه صاحب النشرة إلى رسول الله صلى الله عليه وسلم في عقوبة تارك الصلاة وأنه يعاقب بخمس عشرة عقوبة الخ : فإنه من الأحاديث الباطلة المكذوبة على النبي صلى الله عليه وسلم كما بين ذلك الحفاظ من العلماء رحمهم الله كالحافظ الذهبي في " لسان الميزان " والحافظ ابن حجر وغيرهما .

وقال الشيخ ابن عثيمين - رحمه الله - : هذا الحديث موضوع مكذوب على رسول الله صلى الله عليه وسلم لا يحل لأحد نشره إلا مقروناً ببيان أنه موضوع حتى يكون الناس على بصيرة منه ." فتاوى الشيخ الصادرة من مركز الدعوة بعنيزة " ( 1 / 6 ) .

الخلاصة :
برغب أن هذا الحديث قد يكون مما يرهب الناس من ترك الصلاة ويخوفهم من التهاون في أمرها ، إلا أنه حديث موضوع مكذوب على النبي صلى الله عليه وسلم ، وهذا يقودنا لعدة أمور :

أولاً : ليس من الضروري أن يكون الحديث خاطئاً حتى يكون مكذوباً ، فأكثر الأحاديث المكذوبة هي في الواقع تحث الناس على الخير وتحضهم عليه وتحذرهم من الشر .
ثانياً : ليس معنى أن مفهوم الحديث يدعو للخير أن هذا يجيزه ، أو كما يُقال ( أُريد به خيراً ولو عرض على النبي صلى الله عليه وسلم لأجازه ) بالعكس فهذا النوع من الأحاديث أشد خطراً لإنه ينطلي على الناس بسهولة ، والعقوبة " من كذب علي متعمدا فليتبوأ مقعده من النار " فاحذر .
ثالثاً : ليس معنى أن الحديث مشهور أو أن بعض الخطباء - هداهم الله - يذكرونه على المنابر أو يُعلق في المساجد أن هذا الحديث صحيح ، فكم من حديث جرت العادة بذكره هو مكذوب على النبي صلى الله عليه وسلم .


وأخيراً ستكون هذه السلسلة : مشهور ولكن ، كمحاولة تضاف بإذن الله لجهود تبيين خطأ كثير من الأحاديث والأقول والروايات الشائعة ، فما كان فيها من صواب فمن الله ، وما كان فيها من خطأ فمن نفسي والشيطان .


وفقنا الله وإياكم إلى سواء السبيل .
والسلام عليكم ورحمة الله وبركاته .

22‏/06‏/2008

روضة المحبين .. بداية جديدة

السلام عليكم ورحمة الله وبركاته

أهلا بكم من جديد وعودة جديدة لنشاطات مدونة روضة المحبين

بداية جديدة نسأل الله أن يلهمنا فيها الثبات والتوفيق

ولربما يتسائل البعض .. ألم تنتهي وتتبدد كل نشاطات المدونة منذ أمد بعيد؟؟!!!

نقول بإننا عدنا لنضع ( نقطة ومن أول السطر ) نعيد كتابة ما توقفنا فيه ونضيف إليه نوع من التجديد في السلال والمحتوى والشكل

فانتظرونا وسلسلة ( نقطة ومن أول السطر )

وسؤال آخر قد يتبادر للأذهان .. ما الجديد الذي ستقدمه المدونة وهناك العديد من المدونات والمواقع ومنها ما هو مشهور جدا؟؟؟

نقول نعم هناك ماهو ( مشهور ولكن ) ..ولكن ماذا؟؟؟ هذا ما سنعرفه مع سلسلتنا الجديدة .. ( مشهور ولكن )

نعود إليكم أيضا بسلسلة جديدة نحسبها من أنفس ما سنقدمه لكم فتقبلوا منا هذه الهدية القيمة مع سلسلة ( عقيدة المسلم – سؤال وجواب )

ولا ننسى في خضم عودتنا السلسلة الجليلة الني نتنسم فيها عبير القرآن ونقتطف لكم فيها من بستان القرآن كل ماهو نافع .. انتظرونا وسلسلة (الفضائل) .

وبالطبع سنجد بعد كل هذه الكلمات استراحة المحبين بفقراتها المتعددة والشيقة كالمعتاد

ولا يفوتني أن أتوجه بالشكر للأعضاء الجدد معنا بالمدونة : أحمد جمال – أحمد مبارك

وفي ظل هذه البداية ايضا نفتقد أخا ورفيق في درب المدونة هو الأخ عبد الرحمن نسأل الله أن يفرج كربه وأن

يعود إلينا ليكمل أنشطته معنا

هي بداية جديدة نسأل الله فيها السداد والتوفيق

انتظرونا .. فما زال لدنيا العديد من المفاجآت.

15‏/06‏/2008

إنطلاقة جديدة


السلام عليكم ورحمة الله وبركاته

بعد فترة انقطاع تعود إليكم من جديد مدونة

روضة المحبين

في مجموعة جديدة من التدوينات

انتظرونا

...
..
.
20 جمادي اخري

والسلام عليكم ورحمة الله وبركاته

25‏/08‏/2007

نقطة ومن أول السطر .. الحلقة الرابعة .. اللعب على المكشوف

الحمد لله حمد كثيرا طيبا مباركا فيه .. لا يرضى لعباده الكفر ويعاقب من يرتضيه .. وأرسل الرسل وأوحى إليهم من أنباء الغيب ما يوحيه ..وذلك فضل الله لمن يشاء يؤتيه .. فألزمهم كلمة التوحيد فابتعدوا عن نواهيه .. فوصى بها إبراهيم بنيه..فمن استمسك بها كانت من النار تنجيه .. ومن صد عنها فالنار يصليه


أيا من ليس لي منه مجير .. بعفوك من عذابك أستجير
أنا العبد المقر بكل ذنب ... وأنت السيد المولى القدير
فإن عذبتني فبسوء فعلي ..... وإن تغفر فأنت به جدير
عصيت وتبت من ذنبي وإني .. إلى الغفران محتاج فقير
أفر إليك منك وأين إلا ..... إليك يفر منك المستجير



أبيات جميلة رائعة
أبيات لواحد مسلم .. وقف مرة في حياته وقال .. لا كفاية .. نقطة ومن أول السطر
شخص أشتهر بإنه كان أفسق الناس وأفجرهم .. أشعاره ممتلئة بالكلام عن الخمر والزنا واللواط والتعدي على جلال الله والاستهزاء بالتوحيد والكثير والكثير من ذلك
وفجأة .. قال كفاية .. نقطة ومن أول السطر
في آخر حياته وبعد ما طال العمر بيه في المعاصي وقضى حياته بين الجواري والغلمان والخمر والفجور وكل أنواع المعاصي
تخيل لو قلتلك إنه يحكي إنه كان بيقول الأبيات الي فوق دي وهو ساجد كما تقول إحدى الروايات
عارفين مين دا .. الشاعر العربي المسلم .. أبو نواس
قيل في كيفية وفاته

أنه وبسبب فسقه ومجونه ندم ندماً شديداً في أواخر حياته وأراد أن يكفَّر عن ما فعله من فسق ومجون فانعزلَ للتعبد والذكر ويقول ابن هفان وهو من أشهر رواة شعر أبو نواس ومن المقربين منه :-أن أبو نواس حين اشتد به المرض وازداد وجعه وتمعطت لحيته وتغيرت حالته دخل عليه صديق له وهو يحتضر وسأله :- يا أبا نواس كيف تجدك ؟قال : أجدني على الحق وإنا لله وإنا إليه راجعون على ما قدمت ويا حسرتي على ما فرطت في حق الله سبحانه ثم أنشد :
دبَّ فيَّ البلاءُ سُفْلاً وعُلْموا .. وأراني أموت عضواً فعضوا
قد أسأنا كلَّ الإساءة فا للهم .. صفحاً عنَّا وغفراًناً وعفوا
ويقال أنه مات من ساعة انتهائه من أنشاد هذه الأبيات

خلونا نسأل نفسنا سؤال .. ايه الي خلى أبو نواس يتغير التغير الكبير دا ؟؟؟
بعد كل الحياة الطويلة من المعاصي .. ايه الي غيره ؟؟
الي غيره إنه كان صادق مع نفسه
كان عايز يتوب .. إنتا عايز تتوب فعلا ؟؟
إنتا فعلا عايز تحط نقطة وتبدأ من أول السطر ؟؟؟
خلينا ما نكدبش على بعض ونتكلم بصراحة ومانلفش وندور على بعض

أنا وإنتا عايزين فعلا نتوب ؟؟؟

هتقولي: آه طبعا .. دا أنا نفسي أتــــــــ
ماتكملش بالله عليك .. فتش جوا قلبك .. إنتا بجد عايز تتوب؟؟ .. أصل لو إنتا عايز بجد تتوب كان ربنا تاب عليك وخلصت المشكلة .. لكن كونك لسه في المعاصي وبتقول عايز أتوب أكيد في حاجة غلط
عارف المشكلة فين .. في العبارة الخطيرة دي لابن الجوزي كان بيقول : إنما يتعثر من لم يخلص
عرفت إيه الي بيوقعك
إن قلبك لسه محتار
عايز تتوب .. وعايز ذنوب .. طيب تيجي إزاي دي ؟؟؟
عايز دنيا وعايز آخرة
خلينا صراحة نتكلم على المكشوف بعيد عن بعض كلام الناس المضللين والدعاة الي على أبواب جهنم الي بيقلولك ممكن تتنعم دنيا وآخرة .. وتعيش الحياة وردي والآخرة وردي أقولك على حاجة .. صلى على رسول الله .. صلى الله عليه وسلم
إنتا بتصدق ربنا ؟؟
طبعا أكيد بتصدقه ومن أصدق من الله قيلا ؟؟؟
طيب شوف ربنا بيقول ايه في القرآن

{أَمْ حَسِبْتُمْ أَن تَدْخُلُواْ الْجَنَّةَ وَلَمَّا يَأْتِكُم مَّثَلُ الَّذِينَ خَلَوْاْ مِن قَبْلِكُم مَّسَّتْهُمُ الْبَأْسَاء وَالضَّرَّاء وَزُلْزِلُواْ حَتَّى يَقُولَ الرَّسُولُ وَالَّذِينَ آمَنُواْ مَعَهُ مَتَى نَصْرُ اللّهِ أَلا إِنَّ نَصْرَ اللّهِ قَرِيبٌ }البقرة214

عايز تتدخل الجنة من غير ما تتزلزل ؟؟؟
من غير ما تشوف بأساء وضراء
طيب إزاي إذا كان الي هيدخلهالك بيقولك مش هتدخل غير لما يحصلك كده
عايز تتوب يبقى لازم هتضحي بحاجات .. وصدقني حاجات ما تستاهلش
لكن لو فاكر إنك هتعيشها كده .. لو هتخادع ربنا تبقى غلطان
لو فاكر إنك تقدر تدخل تصلي في المسجد وفي جيبك الموبايل الي كله نمر بنات وتخرج تكمل كلامك بعد الصلاى وهتعدي .. ودا يشيل دا
لو فاكرة إنك هتصلي وتقيمي الليل وتحفظي قرآن وفي الآخر خارجة بحجاب .. الحجاب منه براء ودا يشيل دا
اقول لكل واحد بيفكر بالشكل دا .. غلطان .. مش هتمشي على الحبلين .. يا كلها دنيا فمالكش غير الدنيا .. يا كلها آخرة .. فربنا يديك من الدنيا الي يرضيك ويصونك وليك الآخرة
شوف ربنا عز وجل في الحديث القدسي بيقول ايه

قال الله عز وجل ، و عزتي لا أجمع لعبدي أمنين و لا خوفين ، إن هو أمنني في الدنيا أخفته يوم أجمع فيه عبادي ، و إن هو خافني في الدنيا أمنته يوم أجمع فيه عبادي
الراوي: شداد بن أوس - خلاصة الدرجة: صحيح - المحدث: الألباني - المصدر: السلسلة الصحيحة - الصفحة أو الرقم: 742

أقول لنفسي قبل ما أقول لكل واحد فيكم
ما تخادعش ربنا علشان هيخادعك .. {إِنَّ الْمُنَافِقِينَ يُخَادِعُونَ اللّهَ وَهُوَ خَادِعُهُمْ وَإِذَا قَامُواْ إِلَى الصَّلاَةِ قَامُواْ كُسَالَى يُرَآؤُونَ النَّاسَ وَلاَ يَذْكُرُونَ اللّهَ إِلاَّ قَلِيلاً }النساء142
يطلع واحد يقول : لا انتا مزودها قوي .. نفاق ايه دا بس النفس ضعيفة دا
يا أخي النهاردة اللعب على المكشوف زي ما بيقولوا
خلي عينك في عيني كده وبص جوايا وهبص جواك .. شايف النفاق الي في قلوبنا .. كام مرة نواعد ربنا ونخلف .. كام مرة نقول هنعمل ومن جوانا مش عايزين نعمل .. كام مرة نقول هنتوب وإحنا مش عايزين نتوب
يرد يقول : بس .. أصل .. يعني مش نفاق قوي يعني
أقوله وأقول لنفسي .. طيب بالله عليك إنتا عارف نفسك أكتر مني بصراحة .. في نفاق ولا لا
يرد يقول .. يعني بس .... هو ................ بصراحة أيوة
الحمد لله
دا الي عايز أوصله النهاردة في الحلقة .. يا جماعة وباختصار .. إحنا مش صادقين مع ربنا وأنا أولكم
خلونا النهاردة نقف وقفة صدق
قول .. أنا كداب .. توب من الكدب الأول وخلونا بعد ما كشفنا ورقنا كلنا نحط نقطة من أول وجديد بالمعطيات الجديدة
بعد ما اكتشفنا كدبنا .. بعد ما فهمنا إن ماينفعش نلعب على كل الحبال .. يا دنيا يا آخرة
اسمعوا الآيتين دول من سورة محمد .. آيتين بجد بيوصفوا حالنا

وَيَقُولُ الَّذِينَ آمَنُوا لَوْلَا نُزِّلَتْ سُورَةٌ فَإِذَا أُنزِلَتْ سُورَةٌ مُّحْكَمَةٌ وَذُكِرَ فِيهَا الْقِتَالُ رَأَيْتَ الَّذِينَ فِي قُلُوبِهِم مَّرَضٌ يَنظُرُونَ إِلَيْكَ نَظَرَ الْمَغْشِيِّ عَلَيْهِ مِنَ الْمَوْتِ فَأَوْلَى لَهُمْ
طَاعَةٌ وَقَوْلٌ مَّعْرُوفٌ فَإِذَا عَزَمَ الْأَمْرُ فَلَوْ صَدَقُوا اللَّهَ لَكَانَ خَيْراً لَّهُمْ
(20-21) سورة محمد

كله يقولك .. إحنا عايزين نتوب .. عايزين نعمل .. دا بس لو يسيبوني على اليهود دا أنا أفرمهم ..وتلاقيه مش قادر يصحى لصلاة الفجر .. ولو قلتله ممكن تجاهد في والديك تلاقيه يبلع الكلام بامتعاض ويقولك طبعا طبعا أقوله فَإِذَا عَزَمَ الْأَمْرُ فَلَوْ صَدَقُوا اللَّهَ لَكَانَ خَيْراً لَّهُمْ

الأخت من دول تقولك .. الإسلام .. الدعوة .. الأمة الإسلامية .. عايزين نخرج جيل .. عايزين نغير الدنيا ... وهيا ما زالت مش قادرة تقاوم نفسها وتلبس حجاب شرعي يرضى ربنا .. أقولها فَإِذَا عَزَمَ الْأَمْرُ فَلَوْ صَدَقُوا اللَّهَ لَكَانَ خَيْراً لَّهُمْ

الأخ من دول يقولك أنا عايز أرفع الأمة لفوق .. عايز أجدد الدين .. أغير وجه الدعوة .. وبعدين تلاقيه فاشل في حياته وحجة على الدين والملتزمين وكسول وأينما توجهه لا يأتي بخير.. أقوله فَإِذَا عَزَمَ الْأَمْرُ فَلَوْ صَدَقُوا اللَّهَ لَكَانَ خَيْراً لَّهُمْ

وأخت تانية .. تقولك لازم يكون ليا دور في الصحوة .. لازم نشارك زي الصحابيات .. لازم يكون لينا قدوة زي السيدة خديجة .. وبعدين تلاقيها من هنا لهنا ومن هنا لهنا في خروج دائم باسم العمل الجماعي والعمل الدعوي وترجع في بالليل لوحدها البيت .. بالرغم من إن السيدة خديجة نصرت الإسلام من غير ما تخرج من بيتها وكل الصحابيات نصروا الإسلام وهما ملتزمين بمبدأ وقرن في بيوتكن .. أقولها فَإِذَا عَزَمَ الْأَمْرُ فَلَوْ صَدَقُوا اللَّهَ لَكَانَ خَيْراً لَّهُمْ
أخوتي
الصادق حبيب الرحمن

خلوا دي النصيحة لينا لحد اللقاء الجاي والي إن شاء الله مش هيكون بعيد .. خليها ترن في دماغك على طول .. كل وقت .. علقها فوق جهاز الكمبيوتر بتاعك .. فوق سريرك .. على الباب .. تذكر دايما .. فَإِذَا عَزَمَ الْأَمْرُ فَلَوْ صَدَقُوا اللَّهَ لَكَانَ خَيْراً لَّهُمْ
**********************
أترككم مع المقطع الرائع دا للعلماء عن الصدق


**********************
هذا وستذكرون ما أقول لكم وأفوض أمري إلى الله

21‏/08‏/2007

استراحة

السلام عليكم ورحمة الله بركاته
الحمد لله رب العالمين، والصلاة والسلام علي أشرف الأنبياء والمرسلين، وبعد...

مستقبلك بين ايديك

كل واحد فينا دلوقتي واقف في مفترق طرق، واقف علي عتبة حياة جديدة، في مراحل خلاص انتهت من حياته ولكن المراحل الأهم بدأت تدق علي الأبواب، شوية ورايح علي الجيش يقضي فيه سنة او اكتر او اقل، معندوش جيش لكنه بيفكر يكمل دراسات عليا، كده أو كده عايز يشتغل في شركة محترمة براتب محترم، عايز يجوز، عايز يتفرغ لحياته هو بس، عايز يبقي الاستاذ فلان أو الدكتور فلان، عايز يشتري العربية اللي هتريحه من المواصلات، عايز الشغل القريب من البيت، عايز البيت الكبير والاولاد الكتير، عايز يبقي....... عايز يبقي حر، وعايز وعايز وعايز
لكن في الأهم من ده كله...
وهو في اهم من كده...
الحاجات دي مهمة ومهمة جدا لكن في الأهم منها وهو...
ازاي يوصل للحاجات دي كلها في اقل وقت وباقل مجهود ...
لا في الاهم من كده كمان...
وايه بقي؟؟
ان الحاجات دي كلها توصله الجنة
يا أخي وقعت قلبي...
معلش لازم قلبك يوقع ولازم تفكر ألف مرة في حياتك هتكمل ازاي، لازم تعرف ان الحاجات دي كلها عبارة عن وسائل نوصل بيها مش غايات نسعي لها
قصدك ايه...
قصدي ان البيت الكبير والاولاد الكتير والمال الوفير مش هي دي هدفنا وغايتنا
ياسلام!! طيب هدفنا ايه بقي ؟!!
هدفنا هو دخول الجنة واي حاجة تانية تكون وسيلة، البيت الكبير لازم يكون وسيلة لدخول الجنة ونفتكر قارون ربنا خسف ببيته الأرض (وخسفنا به وبداره الأرض)، الزوج أو الزوجة والأولاد لازم يكونوا وسيلة لدخول الجنة ونفتكر انهم هيتعلقوا في رقبتنا يوم القيامة لاننا مسؤلين عنهم، المال لازم يكون وسيلة لدخول الجنة ونفتكر كلام الرسول صلي الله عليه وسلم (فتنة امتي المال)، عارف النبي صلي الله عليه وسلم بيقول ايه تاني عن المال (تعس عبد الدينار وعبد الدرهم وعبد الخميصة إن أعطي رضي وإن لم يعط سخط تعس وانتكس وإذا شيك فلا انتقش)، الحديث ده صعب جدا ممكن تكون شايفه عادي زي ما انا كنت شايفه ولكن لما تعرف الشرح تعرف ازاي هو صعب لما تعرف ان الواحد ممكن يبقي مشرك بالله لانه بيقدم الشغل علي صلاته، لانه بيتهم بوقت الحضور والانصراف في الشغل اكتر من اهتمامه بوقت الاذان والاقامة، لانه بيفكر ويتعب ويشقي عشان يجيب الفلوس ويبقي مضايق انه هيدفع الزكاة، لما يجمع في الفلوس ويستخسر يروح يحج عشان يعمل المشروع الفلاني، لما وقته كله يبقي عشان يجيب فلوس للزوجة والاولاد والنادي والعربية والشركة ويغرق في الدوامة دي كلها وتلاقيها راجع بيته هلكان وتعبه رايح لغيره وهو في الاخر ممكن يكون اشرك بالله وهو مش عارف هتقولي انت مكبر الموضوع هقولك بص في الحديث كويس الرسول صلي الله عليه وسلم وصف المهتم بالمال اكتر من اللازم بانه عبد للدينار وللدرهم والخميصة (نوع فخم جدا من القماش) كلمة عبد اللي عارفين كلنا انها متكونش لغير لله، ياريت علي كده وبس الرسول صلي الله عليه وسلم بيدعي عليه كمان بانه يبقي تعيس في الدنيا ودعوة النبي مستجابة بلا شك يبقي تعيس في كل حاجة طول النهار تعبان وقرفان في الشغل ويروح يلاقي قايمة الطلبات حتي النوم مش عارف يتهنا عليه قايم من بدري جري عشان يجيب فلوس ده يبقي تعيس ولا سعيد وفرحان وياريت دعوة النبي صلي الله عليه وسلم عليه بالتعاسة بس، لا كمان الانتكاس وهو البعد عن الحق والصواب والطريق المستقيم وكمان (اذا شيك فلا انتقش) اذا دخلت في رجله شوكة ميلاقيش اللي يخرجه منه. بجد كلام صعب جدا يخلي كل واحد يفكر اكتر من مرة فيه.
الموضوع صعب بقي...
الموضوع صعب فعلاً عشان كده لازم نحدد من دلوقتي بكل وضوح ان هدفنا هو دخول الجنة واي حاجة تانية مش اكتر من وسيلة لدخول الجنة ونفتكر كلمة بتقول (كل نعيم دون الجنة حقير وكل عذاب دون النار عافية)، لازم احدد حياتي هتمشي ازاي هشتغل ايه وهشتغل كم ساعة في اليوم وهشتغلي في اي مجال وهاجوز امتي وهاجوز مين وهل اللي هاجوزها او هاجوزه هيساعد علي طاعة الله ويساعدني اكمل حياتي صح ولا لا، لازم افكر هاحفظ قران امتي هاعرف اقرا القران صح امتي هاقدر اعلم اولادي دينهم ولا انا عايز اتعلم ديني صح الاول لازم اعرف الحاجات دي كلها لازم اعرف ازاي حياتي الجاية اللي انا مسئول عنها كلها هتكون ازاي لله مش ربنا بيقول (قل إن صلاتي ونسكي ومحيايي ومماتي لله رب العالمين لا شريك له وبذلك امرت وانا اول المسلمين) وشوف ترتيب الكلام الصلاة تكون لله وكمان الاعم منها المناسك كلها تكون لله والاعم منها ان حياتك كلها تكون لله وفي ده كله لا تشرك بالله احد في ذلك، بجد الموضوع صعب ومهم ولازم نفكر فيه كويس اوي اوي اوي

بس معلش نسيت اقولك التفكير ده مش معناه انك بعد ما قريت الكلام تفرد ضهرك وتغمض عينك وتفكر حوالي دقيقتين خمس دقايق بالكتير ويبقي اسمك فكرت لا، مش مشكلة لو الموضوع خد معك شهر او اكتر دي حياتك ولازم تخطط لها بالورقة والقلم وتسال فلان ايه الاحسن وتستشير فلان اعمل ايه ومش تكتب شوية كلام في ورقة وخلاص لا برضه، فكر في حياتك الجاية انها مشروع زي مشروع التخرج كده بس طبعا اهم مليون مرة واعمل analysis كويس وادرس وحلل كل حاجة وشوف هاتسستم الدنيا ازاي بس خلي بالك لازم ال output يدخلك الجنة ومينفعش حاجة غير كده وممكن كمان تستعين بالناس اللي بيعملوا دراسات الجدوي بيعملوها ازاي وابدا وربنا يكون في عونك وعوني ومتستصعبش الموضوع هاضرب لك مثل بأحد الشباب يحفظ كتاب الله كاملا وكان من اوائل كليته وحصل علي الدكتوراه من انكلترا وهو الان استاذ مساعد بكلية طب الاسكندرية ويدرس العلوم الشريعة بجانب عمله في مجال الطب الذي يتميز فيه ومع كل هذا لم يلبغ سن الاربعين بعد، مش هاطول في الكلام شوف اللقاء اللي تم بينه وبين الشيخ محمد حسين يعقوب وشوف انا ولا انت بنعمل ايه

تحميل


بعد ما شفت اللقاء اسمع الدرس الجميل ده للشيخ محمود المصري بعنوان احلم معايا


سمعت الدرس طيب اسمع التلاوة دي لسورة الفاتحة بصوت الشيخ سعود الشريم وشوف انت بتقراها ازاي


اسمع بقي النشيد الجميل جدا ده للشيخ مشاري راشد بعنوان (يوم الحساب)


سمعت انت كتير اقرا بقي الموقف المؤثر ده مع الشيخ ابن عثيمين

كان خارج من البيت رحمه الله وبيده المبخره متوجه للمسجد واذا بأحد الشباب يقترب من الشيخ ويقول له :يا شيخ ممكن اولع السيجارة؟
فقال له الشيخ : تفضل يا ولدي !!!!!
فاستحى الشاب ثم اصبح بعد هذا الموقف واحد من طلبة الشيخ والملازمين له.

======